حكاية بلد ل عمرو فرحات
حكاية بلد
كان ليها احلام نفسها تتحقق
كانت تتمنى ظنونها تصدق
تقابل حد تحبه وتعشق
يكون له كلمه وعنده مبدأ
وفى يوم الدنيا جاتلها فجأه
وادتها كل احلامها صدقه
تكفر بيها عن ذنوبها
اتاريها تانى عليها بتقوى
قابلت واحد قلبه كبير
حبها والله وبكل ضمير
وكان شايلها من عالارض شيل
كان ابن حلال وقصده خير
وهى عجبها اوى كلامه
بانت رجولته من افعاله
كانت هى الى شاغله باله
وكان كل حاجه فى حياتها
لكن تملى زى العاده
الفرحه فى النص بتتكدر
الشهم الجدع ابو بياده
ضحى علشانها ومن غير مايفكر
دفع حياته مهر ليها
علشان يثبت لها حبه
مات وهو مطمن عليها
علشان فى الف راجل زيه
هيحبوها ويراعوها
ويتقو ربنا فيها
دى حكايتها واسمعوها
والمقصوده بلدنا بيها
هى العشق الكبير
والحب الاول والاخير
هى الحياه وهى الامل
هى مصر وعليها بغير
#اهداء_لجنود_مصر_البسلاء_ولبلدى_الحبيبه_مصر
amr farahat
